АД е хронично, повторувачко, воспалително кожно заболување, кое се карактеризира со чешање и екцематозни кожни промени и најчесто се јавува во период на доење и детството. Тоа значи дека може да се проширува и на другите делови на кожата (раце, нозе), но обично, во тек на втората година се смирува и се ограничува на одделни делови од телото. Овие бебиња со оглед дека имаат сува кожа може да се капат секој ден, но важно е, веднаш после капење, со пешкир да се впие водата од телото, и најбрзо што може,во тек на неколку минути, цело тело и здравата кожа, да се намачка со крем. Пожелно е да не се менуваат препарати за капење и за нега на кожата. Користењето на крем нема да го излечи егземот, но важно е постојано да се нанесува крем на сувите делови на телото. Затоа се препорачува еднаш на ден цело тело на сувите делови, во вашиот случај стомачето и градите, при секоја промена на пелените, доколку почуствувате дека кожата е сува да се намачка. Потребно е да се користи крем кој се впива и ја влажни кожата. Овие деца не сакаат многу топло и пожелно е во просторијата каде престојуваат температурата да биде околу 20-22 степени, да не се преоблекуваат, облеката да им биде комотна. За нега на кожата може да користите која било козметика која ќе ја влажни и онака сувата кожа. Не очекувајте од кремите дека ќе го решат проблемот, само ќе ја влажнат кожата да не биде сува. Потребно е трпение и време, но доколку имате посериозни проблеми со кожата советувајте се со вашиот педијатар.
Потребно е почесто нанесување на крем или витаминска маст кои ќе ја влажнат сувата кожа. Тоа може да го правите повеќе пати во текот на денот.
Совети за капењe:
  • Миење на кожата со сапун и млака вода од 37 степени
  • НЕ ПОДОЛГО ОД 5 МИНУТИ
  • Да се избегнува бањање во пенлива вода затоа што може лесно да дојде до иритација на кожата.
  • Нежно впивање на водата од кожата со пешкирот, особено во прегибите, да се избегнува триење на кожата.
  • Веднаш по секое миење со вода на добро исушена кожа нанесете заштитна крема специјално наменета за нега на бебешка кожа.
Како да го заштитите вашето бебе од инфекции
  • Да се дои бебето, затоа што преку мајчиното млеко бебето прима готови антитела и други заштитни фактори, кои го штитат од инфекции, а воедно овозможуваат правилно развивање на неговиот имунитет
  • Правилна дохрана и внес на сите потребни хранливи материи (овошје, зеленчук, месо, житарици, млечни производи)
  • Да не се пуши во домот, често да се проветрува просторијата
  • Секојдневен престој на чист воздух
  • Миење на раце на домашните
  • Да се избегнува престој во затворени јавни простори ( Рамстор, Веро, игротеки, родендени..)
Со оглед дека промените се локализирани само на вратот, треба да се види што е причина за тоа. Може, доколку детето се поти и постојано е влажно во таа регија, да доведе до оштетување на кожата и накалемување на инфекција. Пожелно е таа регија да биде слободна, да се користат блузи со широки отвори. Да се користи бела памучна постелнина, евентуално да се промени перницата на која спие (пердуви, синтетика…). Доколку и понатаму се присутни промените, направете консултација со дерматолог.
Може да се работи за егзем, кој сега, во зимските месеци поради студот станува понагласен. Важно е да се нанесува често крем на сувите делови на образите, може и неколку пати во денот. Може да користите кој било навлажнувач: рибино масло, обичен вазелин (без додатоци на парфем или други додатоци). Доколку се црвени може да користите и крем со цинк, бидејќи цинкот го смирува црвенилото. Важно е да не биде претопло во просторијата, да не го облекувате премногу, затоа што овие деца не поднесуваат топло. Најверојатно, кога ќе помине зимата, во тек на пролетта и летото, под дејство на сонцето ќе се смират промените на образите. Може и сега, во тек на зимските месеци да користите капки АД место витамин Д или Вигантол, поради важноста на витаминот А за кожата.
Бебињата се капат секој ден и пожелно е веднаш после капење да се намачка кожата со крем за нега. Доколку кожата на вашето бебе е со нормална влажност, доволно е да се нанесе крем за нега. Доколку е посува може да користите витамински крем или некој друг навлажнувач. Ако имате проблем со црвенило и осип во регија на пелената може да користите крем збогатен со цинк. Значи не е неопходно да го користите рибиното масло за нега на кожа.
Децата до три години доколку не одат во градинка главно се разболуваат од вирусни инфекции за кои нема потреба да примаат никакви лекарства. Секоја вирусна инфекција трае од четири до седум дена и спонтано поминува. Особено, со оглед дека вашето дете има склоност кон алергиии, пожелно е да не примате лекарства непотребно (антибиотици, сирупчиња на база на тревки, антипиретици). За температура користете антипиретик доколку температурата е поголема од 38,50С под мишка. Тешко е да се каже дали промените на образите се поврзани со примањето на лекарствата, можно е самата инфекција во комбинација со лекарствата да ги нагласила тие промени.
Се работи за себороичен дерматит кај доенче и обично се јавува на косматиот дел на главата, но може да се јави и на веѓите, ушите и околу носот. Обично спонтано исчезнуваат до една година и претставува безопасна привремена состојба, која се јавува поради преголемо лачење на маснотии. Познат е под името „Cradle cap“. Се користат посебни шампони, бебешки масла и одредени креми и лосиони за нега на овие делови од кожата, кои се зафатени. Се препорачува натопување на лушпите со бебешко масло и после тоа нежно отстранување со мек чешел. Доколку промените се обемни, оваа процедура се повторува во тек на неколку денови. Не се препорачува одеднаш да се отстранат сите промени затоа што кожата е нежна и лесно може да се оштети. Доколку промените и понатаму се присутни или е присутно чешање на главчето, консултирајте се со вашиот педијатар или со дерматолог.
Најверојатно се работи за габична инфекција која со Канестен се смирува. Габичните инфекции се макотрпни и бараат подолготрајна локална терапија (2-3 недели). Потребно е кожата на лицето да се мие со вода, да се одржува сува, да не се користат масла и лосиони.Избегнувајте користење на антибиотици кои подржуваат развој на габични инфекции. Консултирајте се со дерматологот за времетраење на терапијата доколку не се работи за некоја друга кожна состојба.
Со оглед дека се работи за кожна промена која трае подолго време, треба да се направи консултација за да се видат истите. Може да закажете консултација во имунолошка амбуланта на Детска клиника (3147714).
Доволно е сапун и шампон за капење,а после тоа да се нанесе млеко за тело,особено во зимските месеци кога кожата е поизложена на сушење поради студот, односно поради преоблекување.
Чешањето не секогаш значи алергија и може да биде предизвикано и од други состојби. Во зимските месеци може, доколку кожата е посува и од студ или од волна или претопленост, да се појави чешање. Обично антихистаминици не помагаат кај чешањето. Важно е користење на навлажнувачи, кои ја прават кожата мека и може да се намали чешањето. Во секој случај треба да се консултирате со вашиот педијатар за можни други причини за појава на чешање.
Кај бебињата непосредно после раѓање се појавуваат мали и бели точки на лицето во пределот на носот и обично исчезнуваат. Тие се должат на хормоните од мајката. Мислам дека не е ништо сериозно, но почекајте да видите дали ќе исчезнат. Може да се консултирате со вашиот педијатар кога ќе одите на редовна контрола. Непосредно после бањање пожелно е нанесување на крем за нега на целото тело за да се сочува и одржува нормалната влажност. Нема потреба од нанесување на посебна крема.
Доколку нема дефект на кожата туку само модринка, таа спонтано ќе се повлече со ресорпција на крварењето. Нема потреба да го третирате со ништо.
Доколку се работи за бебешки акни обично тие исчезнуваат спонтано во тек на вториот месец и нема потреба од никаква дополнителна терапија. Со оглед дека користењето на стелатопија и крем со цинк имаат ефект на промените, можеби не се работи за бебешки акни. Консултирајте се со вашиот матичен доктор, да не се работи за егзем или некои други промени.
Со оглед дека вашето бебе е сé уште мало и терморегулацијата не е зрела, бидете внимателни да не го преоблекувате премногу. Доколку се претоплува бебето со облека и со покривање може да се појави осип. Ориентација нека ви биде тоа како сте вие облечени, исто така облекувајте го и вашето бебе. Исто така, температурата во просторијата треба да биде околу 20 степени, затоа што доколку е претопло може до доведе до појава на осип на кожата. Обидете се да го расоблечете вашето бебе и да видите дали тоа ќе доведе до повлекување на осипот. Доколку и понатаму е присутен консултирајте се со вашиот матичен доктор.